Sarandë: Arrestohet “terrori” i pushuesve, tentoi të largohej nga Shqipëria

Policia e Sarandës ka bërë të mundur arrestimin e e shtetasit O. K., 43 vjeç, banues në Ukrain.

43 – vjeçari u vidhte pushuesve vlera të mëdha monetare.

Arrestimi i tij është bërë në Aeroportin e Rinasit ku ka qënë duke u larguar nga Shqipëri.

Ja raporti i policisë së shtetit:

“Sarandë

U vjedh pushuesve vlera të mëdha monetare dhe tenton të largohet nga kufiri shtetëror arrihet të ndalohet në kohë nga policia!

Strukturat e Policisë së Hetimit të Krimeve në Sarandë nëpërmjet metodave speciale të hetimit, për kapjen dhe ndalimin e autorëve të cilët janë të përfshirë në vepra të ndryshme penale kanë arritur të bëjnë të mundur kapjen në kohë dhe ndalimin, në Aeroportin e Rinasit ku ka qënë duke u larguar nga Shqipëria shtetasin:

• O. K, 43 vjeç, banues në Ukrain.

Ndalimi i tij është bërë pasi dyshohet si autor i ngjarjes së ndodhur më datë 10.08.2017, në një hotel në Lagjen ”Nr.1” , ku i ka vjedhur shtetasit I. P., 40 vjeç, banues në Sarandë, një shumë parash prej 8300 euro.

Gjithashtu këtij shtetasi gjatë kontrollit të ushtruar nga policia janë gjetur 32 prerje 50 euro, të cilat u sekuestruan ne cilesin e proves materiale.

Materialet i kaluan Prokurorisë së Rrethit Sarandë, per vepren penale ”Vjedhja” , të parashikuar nga neni 134 i Kodit penal”.