Lajme

Zjarret shkrumbojnë Kaliforninë

Sipas mediave të huaja Klifornia po përjeton një situatë dramatike autoritetet kaliforniane urdhëruan evakuimin e një qyteti të tërë, për shkak të përkeqësimit të situatës së zjarreve, që i kanë marrë jetën të paktën 26 personave.

Të gjithë banorët e Calistogas, në kontenë Napa, u udhëzuan të largoheshin. Shefi i zjarrfikësve të këtij shteti, Ken Pimlot paralajmëroi se thatësira dhe erërat do të vazhdojnë të kontribuojnë në përhapjen e flakëve.

Bilanci i viktimave mund të rritet edhe më tej. Rreth 60 të burgosur iu bashkuan zjarrfikësve në luftën kundër flakëve.

Sherifi i kontesë tjetër të prekur, asaj Sonoma, deklaroi se 463 vetë vazhdojnë të mungojnë në apel. 900 persona u raportuan të zhdukur, që prej nisjes së zjarreve në rajonin e njohur për prodhimin e verës, mbrëmjen e së dielës, por shumë prej tyre janë lokalizuar.

Përkeqesimi i situatës ka ardhur pasi flakët e përhapura nga erërat deri në 80 km në orë dogjën më shumë se 3.500 godina e banesa dhe shkrumbuan 69 mijë hektarë tokë.

Më shumë

Artikuj të ngjashëm