Rreth 5 mijë bimë kanabis janë asgjësuar me djegie nga policia e shtetit pas kontrolleve masive të territorit nga ajri dhe toka.

Policia bën me dije se bimët janë sekuestruar gjatë kontrolleve në disa qytete të ndryshme.

“Bimët narkotike janë asgjësuar me anë të djegies, përveç një sasie të vogël bimësh që është sekuestruar në cilësinë e provës materiale.

Strukturat hetimore të DVP-ve ku janë konstatuar dhe asgjësuar bimët narkotike, nën drejtimin e Prokurorive respektive, po vijojnë punën për identifikimin dhe kapjen e autorëve të kultivimit”, bën me dije policia.

Njoftimi i policisë

Policia e Shtetit/Asgjësohen 4945 bimë të dyshuara narkotike kanabis, të kultivuara në zona të thella malore dhe të pyllëzuara.

Vijon kontrolli masiv i territorit, me qëllim parandalimin, evidentimin dhe goditjen e tentativave për kultivim të bimëve narkotike.

Në kontrollin masiv të territorit janë përfshirë 1560 forca policore të Drejtorive Vendore të Policisë në qarqe, të Policisë Kufitare dhe të reparteve të FNSH Tiranë, Fier dhe Shkodër.

Gjatë kontrolleve janë përdorur edhe 32 dronë, për të kontrolluar territorin, nga ajri.

Gjatë kontrolleve, shërbimet policore janë përballur me terrene të vështira malore, prandaj është dashur ndërhyrja e punonjësve të FNSH-së, të cilët kanë zbritur me litarë, për të asgjësuar bimët narkotike.

Gjatë kontrolleve në terrene mjaft të vështira, në zona malore, në të gjithë vendin janë konstatuar raste të kultvimit të bimëve narkotike në parcela të vogla, që varionin me 25 deri në 90 bimë.

Konkretisht në qarkun Shkodër janë asgjësuar 3290 bimë narkotike, në qarkun Lezhë 1010 bimë, në qarkun Kukës 316 bimë, në Malësinë e Krujës 225 bimë, në qarkun Gjirokastër 73 bimë dhe në qarkun Dibër 31 bimë, të dyshuara narkotike kanabis.

Bimët narkotike janë asgjësuar me anë të djegies, përveç një sasie të vogël bimësh që është sekuestruar në cilësinë e provës materiale.

Strukturat hetimore të DVP-ve ku janë konstatuar dhe asgjësuar bimët narkotike, nën drejtimin e Prokurorive respektive, po vijojnë punën për identifikimin dhe kapjen e autorëve të kultivimit.

Kontrolli masiv i territorit do të vijojë çdo javë, me qëlllim parandalimin, evidentimin dhe goditjen e tentativave për kultivim të bimëve narkotike.

Policia e Shtetit është e vendosur për ta luftuar me zero tolerancë veprimtarinë kriminale të kultivimit dhe trafikimit të lëndëve narkotike dhe në këtë kuadër fton qytetarët që të bashkëpunojnë akoma më shumë me Policinë, duke denoncuar raste të paligjshmërisë, në numrin 112 dhe Komisariatin Dixhital.

Lascia un commento

Il tuo indirizzo email non sarà pubblicato.