LajmeTe gjitha

Seiti kërkohet nga drejtësia italiane

Gjykata e Tiranës ka shtuar me 50 ditë të tjera afatin e masës së sigurimit “arrest në burg”, për qëllim ekstradimi ndaj Nezar Seitit.

Ai kërkohet nga drejtësia italiane, pasi dyshohet të jetë “financieri” i grupit kriminal të trafikut të drogës, i drejtuar nga Moisi Habilaj.

Në seancë Seiti kërkoi shuarjen e masës së sigurisë, për shkak të mbarimit të afatit kohor të dy masave, me nga 20 ditë dhënë më herët ndaj tij.

Zgjatja e re e afatit është ankimuar në Apel. Sipas avokatit të Seitit, Detar Hysi, Ministria e Drejtësisë ende nuk ka depozituar kërkesën për ekstradim, ndonëse ka përfunduar afati i dy masave me nga 20 ditë. Për këtë shkak avokati kërkon shuarjen e masës së sigurisë.

Nga ana tjetër për Seitin ekziston edhe një masë tjetër shtrënguese, “arrest në burg”, dhënë për të nga Krimet e Rënda, për llogari të hetimit të nisur ndaj tij në Shqipëri.

Më shumë

Artikuj të ngjashëm

%d bloggers like this: