Kryeministri Edi Rama solli mbrëmjen e sotme në vëmendje momente nga plani kombëtar i pastrimit i cili vijon pa u ndalur në gjithë bashkitë e vendit.

“Plani Kombëtar i Pastrimit po zhvillohet në gjithë Shqipërinë dhe do të vazhdojë pa u ndalur e pa e ulur ritmin sepse gjithmonë e më shumë qytetarë e kuptojnë se s’është asnjëherë vonë për të vepruar kundër ndotjes mjedisore në respekt ndaj shëndetit, fëmijëve, familjes dhe shtëpisë tonë të madhe, Shqipërisë”, u shpreh Kryeministri Rama në rrjetet sociale teksa ndau momente nga puna.
Pamjet e pastrimit të territorit u përkasin bashkive Selenicë, Klos, Bulqizë, Mallakastër, Skrapar, Mat, Tepelenë, Pukë, Patos, Memaliaj, Dibër, Kuçovë dhe Maliq.
Plani Kombëtar i Pastrimit rrënjësor të Shqipërisë nisi më 7 nëntor 2021 në Vlorë dhe ka përfshirë të gjithë territorin./ATSH

Lascia un commento

Il tuo indirizzo email non sarà pubblicato.